An kammala musabakar karatun Al-Kur'ani mai girma a karamar hukumar Illela Jihar Sokoto inda aka gudanar da bikin da har Gwamnan jihar, Aminu Tambuwal ya samu halarta.
Masu bincike a jami'ar Tokyo a Japan sun kera mutum-mutumi mai sarrafa kansa kamar bil adam ta yadda ya ke dauke da abubuwa masu kwaikwayon irin ayyukan da gabobi da kasusuwa suke yi a jiki wadanda ke ba shi damar yin atusaye kamar su press up da makamantansu.
Tattaunawa Da B-Merry Dan Arewan Legas
Wani dan Bosnia, Elvis Cero ya kera wata 'yar motar da ake iya nadewa kamar akwati domin maganin cinkoso a manyan birane. Motar mai suna 'Go City' tana amfani da wutar lantarki kuma an saka mata tayoyin keke mara nauyi sannan kuma batirin motar yana rike caji har na tsawon sa'o'i biyar.
A wata jihar India Madhya Pradesh, wasu malaman makaranta na kwantiragi ciki har da mata sun fito kuma aske gashin kansu domin bukatar a mayar da su ma'aikatan dindindin da kuma inganta albashinsu.
A wani wassanin da ake yi a kowace farkon shekara a kasar Peru, mutanen da suke da tsama a tsakaninsu suna haduwa su ba hammata iska wato su dambace domin kece rainin da ke tsakaninsu sannan su yafewa juna a cikin sabuwar shekarar.
Manyan ‘yan wasan kungiyar kwallon kafa ta PSG- Paris Saint-Germain sun yi bankwana da shekarar 2017 da buga tamaula kan filin da aka shimfida kan ruwa, yayin da kungiyar ke wasannin sada zumunci a Qatar a wannan makon.
A wannan wurin cin abincin da ke India, 'yan matan mutum-mutumi ke aikin raba abinci ga kwastomomi kuma su dawo su kwashe kwanukan bayan an kammala.
Wannan asibitin zamani da aka bude shi musamman don rakuma, an kafashi ne domin raya al'adun yankin inda ake gasar tseren rakuma. Asibitin na da gadajen duba rakuma 20 da wurin tsere don taimakawa rakuman su samu sauki.
Wani dan Burtaniya, Tom Morgan ya makalawa kujera balan-balan guda 100 da ya hura sannan ya hau ta yi sama da shi har ya yi tafiyar kilomita 24 cikin sa'o'i 2. Tom yana cikin wata kungiyar masu yawon bude ido da ke kokarin rage damuwa da samar da jin dadi a duniya.
Wata mace da aka haifeta ba mahaifa ta haihu sakamakon wata dubarar likitoci da ka iya magance matsalar rashin haihuwa a mata
Yi Lodin Kari..