A cigaba da wasannin da akeyi a can kasar Spain na Copa del rey 2016/2017, jiya an kece raini tsakanin kungiyoyi guda shida a matakin zagaye na Goma Sha shida (Round of sixteen) inda kungiyar kwallon kafa ta Real Madrid, ta doke takwararta ta Sevilla da kwallaye 3-0.
Alcorcon ta yi canjaras 0-0 tsakaninta da Cordoba
Itama Real Sociedad, ta samu nasara akan Villarreal da ci 3-1
A yau kuma za'a kece raini tsakanin Kungiyar kwallon kafa ta Athletic Bilbao, da Barcelona, da misalin karfe tara da kwata agogon Najeriya Nijar Kamaru da Chadi.
Za'a kuma dawo zagaye na biyu a gasar ranar talata goma ga watan janairu na shekara ta dubu biyu da Goma Sha bakwai.
A bangaren firimiya lig 2016/2017, na kasar Ingila jiya Tottenham ta doke Chelsea da kwallaye 2-0.
