Kocin kungiyar Manchester city, Pep Guardiola ya ce ya zamo dole kungiyar ta yi tsabtataccen wasa don samun nasara akan kungiyar Liverpool da ta doke ta 3-0 a satin da ya wuce na gasar cin kofin zakarun nahiyar turai (UCL) a matakin wasan dab da na Kusa da na karshe karawa ta farko da suka yi a gidan Liverpool a makon da ya wuce.
A yau talata ne za'a sake karawa ta biyu a gidan Manchester city, Guardiola ya ce yana da karfin guiwar zai samu nasara a wasan domin a cewar sa “muna da minti 90 da karin lokaci kuma abin da muka nuna a wannan shekara “muna ikirarin samun dama a cikin 'yan mintoci kaɗan”.
A bangaren sa Kocin Liverpool, Jurgen Klopp, ya ce 'yan wasan sa sun nuna cewa 'yan adam ne domin sun yi kokari a wasan farko amma sun amince da cewa za su iya samun nasara a wasan da za su yi yau talata.
Ya kuma bayyana cewar ya san Guardiola Babban kwac ne a duniyar kwallon Kafa, amman akwai sa'a a wasa.
Da aka tambaye shi kan Dan wasan Mohammed Salah, wanda ya fice a wasan su na farko saboda rauni, Kocin ya ce ba zai ce komai ba amma dai sun yi atisaye tare da dan wasan a jiya litinin.
Facebook Forum