A jiya Kungiyar kwallon kafa ta Liverpool tayi waje da Kungiyar Leeds United a
gasar English Football League, ta 2016, da ci 2 da 1. Itama Hull City ta samu nasarar doke kungiyar kwallon kafa ta Newcastle United da ci 3 da 1 bayan an shafe mintuna casa'in inda akayi 1-1 daga bisani aka kara mintuna talatin kafinnan Hull city, suka samu nasara.
Wannan nasara ta ba da dama ga Liverpool da Hull City, zuwa zagayen kusa da na karshe wato Semi final inda suke jiran kungiyoyin da zasu fafata a yau inda kungiyar kwallon kafa ta Arsenal zata kara da Southampton, ita kuwa Manchester United, zata karbi bakuncin Westham, ne a Old Trafford, da misalin karfe tara na dare agogon Najeriya Nijar kamaru da Chadi.
A can kasar Spain ma haka abin ya wakana a gasar cin kofin Copa del Rey, 2016/2017.
Leganes 1-3 Valencia
Sporting Gijon ta sha kashi a hannun Eibar da kwallaye 2-1
Alcarcon tayi kunnen doki 1-1 tsakaninta da Espanyol
Real Betis ta doke Deportivo daci 1-0
A yau kuma za'a kara tsakanin Toledo da Villarreal
Real Madrid da Cultural Leonesa
SD Formentera zasu karbi bakuncin Atletico Madrid
Guijuelo da Celta vigo
Cordoba da Malaga
Granada zasu kece raini da Osasuna
Yayinda Hercules zasu fafata da Barcelona
Za'ayi wasanne a lokuta daban daban agogon Najeriya.
