A cigaba da karasa wasu wasanni da akeyi a bangaren laliga na kasar Spain da kuma bangaren Firimiya na kasar Ingila na shekara 2016/17, na wasu makonni da ba'a samu damar bugawa ba saboda wasu dalilai jiya kungiyar kwallon kafa ta Arsenal, ta samu nasara akan Sunderland, da,ci 2-0,
Manchester City, ta doke Westbromwich, da kwallaye 3-1 a wasansu na mako na 34.
A yau kuma Southampton, zata kara da Manchester united, a wasan mako na 28 da misalin karfe takwas saura kwata na dare agogon Najeriya Nijar da kamaru.
A can kasar Spain, shima akwai wasa tsakanin kungiyar kwallon kafa ta Celta Vigo, da Real Madrid, a wasan mako na 21 a bangaren laliga na bana damisalin karfe takwas na dare agogon Najeriya da Nijar.
Idan Real Madrid, ta samu nasara a wannan wasan zata Koma matsayi na daya a saman teburin laliga, inda hakan zai iya bata karfin guiwar lashe gasar na 2016/17.
Sai dai yanzu haka Real Madrid, tana mataki na biyu ne da maki 87 ita kuwa abokiyar hamayyarta Barcelona, tana saman teburin ne a mataki na daya, itama da maki 87 inda take da sauran wasa daya tak, ta kammala. Real Madrid kuwa tana da sauran wasanni biyu ne duk da wanda zata kara a yau tsakaninta da Celta Vigo.
Your browser doesn’t support HTML5
Real Madrid Na Iya Lashe Gasar Laliga na 2016/17