Sabon dan wasan baya na kungiyar kwallon Kafa ta Kano Pillars dake tarayyar Najeriya, Steven Eze, ya sanya hannu kan wata kwangila bisa yarjejeniyar da kungiyar kwallon Kafa ta Lokomotiv Plovdiv, dake kasar Bulgaria.
Dan wasan ya sanya hannu a wannan satin kan yarjejeniyar da aka yi tsakanin wakilin sa Dr Ojore Oka, da Lokomotiv Plovdiv.
Dan wasan Steven Eze, wanda yanzu haka yake cikin tawagar ‘yan wasan Najeriya, da suke fafatawa a gasar wasan (CHAN) a kasar Morocco ya zo kungiyar Kano Pillars, ne a matsayin rance bayan ya kammala kwantiraginsa da kungiyar kwallon Kafa ta Ifeanyi Ubah, tare da yarjejeniyar cewa lokacin da ya samu wani abu za a sake shi ya tafi.
A ta bakin jami'in yada labarai na Kano Pillars Rilwanu Idris Malikawa, ya tabbatar da wannan labari inda ya ce tuni dai hukumar kula da kwallon kafa ta Kano Pillars (Sai masu gida) ta yi masa fatan alheri.
Steven Eze, zai shiga sabon kulob din a kasar Bulgaria da zarar an kammala gasar CHAN ta nahiyar Afirka da akeyi a kasar Morocco.
Facebook Forum