Accessibility links

Labari da Dumi-Duminsa

Arsene Wenger: Ban San Makomata Ba


Tsohon Kocin Kungiyar kwallon kafa ta Arsenal, Arsene Wenger ya nesanta kansa daga rade-radin da ake cewa, yana cikin masu gwagwarmayar neman zama mai horar da 'yan wasa na Real Madrid.

A cikin wata hira da ya yi da manema labarai, Wenger mai shekaru 69, a duniya ya ce, ba shi da wata masaniya ko tabbacin inda zai tsinci kansa a
shekara mai zuwa, amma ban da kocin Real Madrid.

Wenger ya ba da tabbacin komawa fagen horar da wasa a 2019, in da ya bayyana cewa, yana da cikakken dabaru kuma a shirye yake da ya koyar da irin dabarun nasa a kwallon kafa.

Ya zuwa yanzu Real Madrid ba ta nada koci na din-din-din ba, hakan ne ma ya sa Santiago Solari ke ci gaba da jan ragamar kocin na rikon kwarya.

Solari wanda tsohon dan wasan Real Madrid ne kafin a ba shi rikon, shi ne kocin kulob din matasa na Real Madrid (Team B), inda ya fara jagorantar kungiyar a wasanta na farko da kafar dama domin kuwa sun doke UD Melilla da kwallaye 4-0 a gasar Copa de Rey.

Solari ya karbi ragamar kungiyar ne bayan Real ta sallami Julen Lopetegui a ranar Litinin bayan kashin da suka sha a hannun Barcelona a was an El-Classico.

Ana tsamanin Arsene Wenger zai koma da aikinsa na mai horas da 'yan wasa a farkon shekarar nan kamar yadda ya bayyana.

  • 16x9 Image

    Yusuf Harande

    Yusuf Aliyu Harande, dan jaridar sashen Hausa na gidan radiyon Muryar Amurka (VOA). Dan asalin Hiliya a karamar hukumar Tambuwal, jihar Sakkwato.

Facebook Forum

XS
SM
MD
LG