WASHINGTON, DC —
Kasar Ivory Coast ta haye zuwa ga wasannin kwata fainal na gasar cin kofin kasashen Afirka na kwallon kafa da ake gudanarwa a kasar Equatorial Guinea.
Ivory Coast ta vdoke kasar Kamaru da ci daya mai ban haushi a karawar karshe a zagayen rukuni-rukuni da aka buga yau.
A daya wasan na yau, an tashi kunnen doki a tsakanin Mali da Guinea, ma'ana, gobe alhamis za a yi 'yar tinke domin zaben wadda zata shige zuwa zagayen kwata fainal a tsakaninsu.
