A cigaba da fafatawa da akeyi a gasar firimiya lig na kasar Ingila 2018/2019, mako na 19, Kungiyar Liverpool ta kara azama wajan cigaba da jan ragamarta saman teburin da maki 51, banbancin maki 6 tsakanita da Tottenham da take matsayi na biyu.
Liverpool ta samu nasara a wasan da tayi da Newcastle United, inda ta lallasa ta da kwallaye hudu da nema, a ranar laraba dan wasan Liverpool, Dejan Lovren shi ya fara jefa kwallon farko a raga cikin minti 11 da fara wasa, sai kuma Mohamed Salah da Xherdan Shaqiri da kuma Fabinho, sune suka jefa kwallayen hudu a ragar Newcastle.
Tottenham kuwa ta tsallako matsayi na biyu a teburinne sakamakon ta lallasa Bournemouth da kwallaye 5-0, an kuma samu nasara akan Manchester City daci 2-1, hakan ya bata damar zamo wa ta biyu da maki 45 da banbancin maki daya kacal.
Manchester City ta sauko zuwa mataki na uku a teburinne bayan da tayi wasanni biyu a jere a na doke ta inda take dauke da maki 44, a ranar Asabar da ta wuce Crystal Palace ta bita har gida ta doketa 3-2 sai ranar Laraba kuma Leicester ta mata 2-1.
A ranar Asabar 29 ga watan Disamba Liverpool zata kara a babban wasanta da Arsenal, ita kuwa Tottenham zata karbi bakoncin Wolverhampton, yayin da ranar Lahadi Manchester City ta ziyarci Southampton.
Facebook Forum