Umar kofar Mazugal wanda aka fi sani da Umar UK, ya ce sabon fim din sa Fuska Biyu fim ne da ya maida hankali dangane da matsalolin tsaro mussaman ma yawaitar garkuwa da mutane da ake yi a yanzu.
Ya ce ya zabi jigon fim din Fuska Biyu duba da yadda yawaitar garkuwa da mutane, matsalolin rashin tsaro da rikice-rikicen da ke faruwa sanadiyar rashin tsaro.
Ya kara da cewa fim din yayi duba kan tarbiya, makarantun da yara ya kamata su shiga, abokai da sauransu tare da fito da hanyoyin da idan iyaye suka bi za’a magance matsalar samun masu tada zaune tsaya a cikin al’umma
Ya ce sun fuskanci kalubale da dama mussaman ma a lunguna da suka yi ta zuwa domin daukar fim, tare da cewar har yanzu al’umma bata samu wayewar kai ba a lokacin da ake daukar aikin fim.
Facebook Forum