Dan wasan gaba na kungiyar kwallon kafa ta Paris-Saint German dan kasar Faransa Kylian Mbappe, ya musanta rade radin da akeyi na cewar zai koma kungiyar Real Madrid, da taka leda a kakar wasa mai zuwa inda ya nisanta kansa da wannan batu.
Dan wasn Mbappe ya taimakawa kasarsa Faransa ta lashe kofin duniya da akayi a Rasha shekara ta 2019, haka kuma ya taimakawa kulob din PSG ta daga kofin Lig 1 na faransa a bana, wanda shine karo na shida bayan da ya jefa kwallaye har 3 a ragar Monaco a yayin wasansu na lig.
Matashin dan wasan mai shekaru 20 da haihuwa ya ce a yanzu ba ya tunanin barin kungiyarsa ta PSG don komawa Real, sai dai ya nayi wa Madrid murnar
dawowar tsohon kocinta Zidane karo na biyu.
An dade ana jita-jitar cewa Madrid za ta sayi wasu manyan 'yan wasa, ciki harda Mbappe da dan wasan Chelsea Hazard wanda shi tuni kungiyoyin biyu sun kusan kammala yarjejiniyar sayen shi.
Facebook Forum