Shugaban gudanarwar kungiyar kwallon kafa ta Chelsea, Roman Abromobic yana tunanin sallamar mai horas da kungiyar, Mauricio Sarri.
A ranar Lahadi da ta gabata ne kungiyar kwallon kafa ta Everton ta doke Chelsea da ci 2-0 a wasan mako na 31 cikin gasar firimiya lig na bana a filin wasa na Goodison Park.
Chelsea tana da wasa daya, da bata fafataba cikin makwanni 31 na firimiya lig da akayi tayi rashin nasara a karawa bakwai kenan, ta kuma yi canjaros a wasanni shida inda ta samu nasara a wasanni 17.
Chelsea wadda ke fatan shiga cikin kungiyoyi hudun farko na firimiyar Ingila domin samun tikitin zakarun turai mai zuwa a yanzu tana ta shida da maki 57.
A wasanta na gaba Chelsea za ta ziyarci kungiyar kwallon kafa ta Cardiff City a wasan mako na 32 ranar 31 ga watan Maris na bana.
Da yuwar shugaban kungiyar ta Chelsea Roman Abromobic zai zauna da masu bashi shawara akan makomar kungiyar da kuma matakin daya kamata su dauka akan kocinta Mauricio Sarri.
Facebook Forum