Kungiyoyin kwallon kafa ta Barcelona da Ajax sun samu nasarar zuwa zagayen wasan kusa da na karshe (Semifinal), na gasar cin kofin zakarun Turai a bana.
Barcelona ta samu nasararne bayan da tayi waje da Manchester United daci 3-0 a Camp Nour, a karawar su ta biyu inda jimilar ya kama kwallaye 4-0 duk da haduwar su na farko a gidan Manchester da aka shata daya da babu.
Dan wasan Barcelona Lionel Messi ne ya zura kwallaye har 2 cikin mintu na 20 da fara wasa kafin daga bisani Cautinho ya kara ta 3 bayan dawowa daga hutun rabin lokaci.
Barcelona dai tana dakon wasan daf da na karshe tsakanin Liverpool da FC Porto da zasu buga tasu a yau Talata 17/4/2019, Ita kuwa kungiyar kwallon kafa ta Ajax ta yi nasarar fitar da Juventus daga gasar ta zakarun Turai bayan da ta zura mata kwallaye 2 da 1 a raga a gidanta.
Dan wasan Juventus Cristiano Ronaldo shi ya fara jefa kwallo a ragar Ajax cikin mintu na 28 da fara wasa, daga bisani Ajax ta farke ta kafar dan wasanta Donny Van de Beek, sai kuma D. De Ligt, ya jefa ta biyu a minti na 67 bayan dawowa daga hutun rabin lokaci jimillar kwallaye 3 da 2 duk da wanda sukayi a gidan Ajax 1 da1.
Da wannan nasarar Ajax zata jira tsakanin Manchester City ko Tottenham wadda ta samu nasara a wasansu da za suyi ranar Talata mai zuwa.
Facebook Forum