Kamfanin fasaha mai kirkirar manhaja da kamfutoci na Microsoft ya soki lamirin kamfanin Google mai shafin bincike na kan yanar gizo, domin fitowa da kamfanin Google din yayi a fili ya bayyanawa duniya cewar akai matsalar budewar wata kofar tsaro ga sabuwar manhajar Microsoft din ta window 8.1, kamfanin Google din dai ya fito ya bayyana matsalar ga duniya dasanin cewar Microsoft din na kokarin rubuta wata manhajar dazata toshe kofar.
Wani babban direktan kamafanin Microsoft ya maida martani a wani shafin yanar gizo, wanda yayi nunin rashin jin dadin kamfanin sa ga abin da Google din yayi, yakuma ce lokacine da kamfanoni zasu hada kai domin aiki tare da magance irin wannan matsalar ta budewar hanyoyi tsaro da ka iya jefa masu amfani cikin cikin wani hali.
Shi dai kamfanin Google ya fito fili ya bayyanawa duniya damuwar sa kan budewar hanyar tsaron, alokacin da shi kamfanin Microsoft din yake kokarin magance matsalar. Budewar kofar tsaron na iya baiwa masu amfani da komfuta mai manhajar windaow 8.1 dama domin shiga cikin wasu sassa da bai kamata ace sun shiga ba.
Microsoft dai ya nemi masu bincike kan harkar tsaron na komfutoci da manhaja, dasu rika asirce irin wannan bayanai har sai an magance su kafin fitowa fili a bayyanawa jama’a.
