Juventus Na Zawarcin Paul Pogba

Kungiyar Juventus na shirin biyan fan miliyan 50 kimanin dala miliyan $64m kwatankwacin naira biliyan ashirin da ukku, tare da mika dan wasa Aaron Ramsey don kawai su mallaki dan wasa Paul Pogba - kamar yadda jaridar Daily Mail ta ruwaito.

Bafaranshen ya yi niyyar barin kungiyar Manchester United a wannan bazarar mai zuwa, kuma ya fi son ya koma filin wasa na Allianz a kan ya koma kulab din Real Madrid.

An dai yi ma Pogba tiyata a kafarsa tun a watan Janairu da ya gabata, wanda hakan ya hana shi taka leda a galibin kakar wannan wasa.