WASHINGTON D.C —
Jabir S Tofa wanda aka fi sani da Top Son ya ce yana wakokin nanaye inda yake wa’azantar da matasa muhimmancin rike alkawari da kauracewa yaudara domin samun soyayya mai dorewa.
Matashin ya bayyana haka ne a yayin da ya ke zantawa da wakiliyar DandalinVOA a garin Tofa, inda ya bayyana cewa a waka, ya zabi wakokin nanaye domin a cewarsa ta nan ne zai fadakar da ‘yan uwansa muhimmancin zumunci da rike amana, ya ce ya lura da cewar akwai gyara a yadda matasa ke mu’amalarsu a yanzu.
Jabir ya ce, akwai muhimmanci matasa su daina kulla alakar da ba ta da amfani kuma ba zata haifar da wata riba ba tare da jan hankalinsu wajen tabbatar da duk budurwar da zasu kulla alaka da ita su tabbata zata kai su ga aure.
Facebook Forum