A cigaba da hada hadar 'yan wasan kwallon kafa na duniya da akeyi a watan Yuni, wasu rahotanni suna bayyana cewar dan wasan kungiyar kwallon kafa ta Real Madrid na sifaniya James Rodriguez, na dab da amincewa da kwantiraki don hadewa da kungiyar Napoli ta kasar italiya.
Rahotanni sun tabbatar da cewa ana sa ran kammala cinikin dan wasan dan asalin kasar Columbia a makonan.
Dan wasan Rodriguez mai shekaru 28, da haihuwa ya shafe kakar wasanni biyu a matsayin aro a kungiyar Bayern Munich, sai dai kuma kungiyar ta gaza daukar sa a matsayin na din-din-din.
Ita kuwa kungiyar kwallon kafar Manchester City ta burtaniya ta shiga da karfi don daukar dan wasan baya na kungiyar Napoli Koulidou Koulibaly mai shekaru 30 da haihuwa.
Dan wasan wanda aka alakantashi da komawa abokiyar hamayyar Manchester City wato Manchester United, abaya na can a kasar Masar tare da tawagar kasar Senegal don fafatawa a gasar cin kofin nahiyar kasashen Afirka na 2019.
Manchester City ta gabatar da tayi na fam miliyan €95m kan dan wasan, da nufin kawo shi kasar Ingila a wannan kakar wasa mai zuwa.
Facebook Forum