Tun a makon da ya gabata ne aka fara cacar baki tsakanin kyaftin din kungiyar Barcelona Messi da daraktan wasanni Eric Abidal, amma ya maida martani ta hanyar huce takaicin shi akan Real Betis ranar Lahadi.
Koda yake a cikin 'yan kwanakin nan Lionel Messi ya shiga cikin yanayin takaici, ta hanyoyi da yawa.
A bayan fagen wasanni, kyaftin din Barcelona ya nuna rashin jin dadi ga daraktan wasanni Eric Abidal a cikin makon, saboda ikirarin cewar 'yan wasan sun yarda cewa ba su yi aiki tukuru ba lokacin jagorancin tsohon kocin Ernesto Valverde.
A fagen wasan, dan wasan kasar Argentina yana buga wasa duk da matsalar kafa da yake fama da ita, wanda hakan ya hana shi buga wasa a matakin da ya fi dacewa, tare da kokarin koyar da ‘yan wasan ba ta yadda ya kamata ba.
Facebook Forum