WASHINGTON D.C. —
Kungiyar Super Falcons ta Najeriya, ta kamo hanyar dawowa gida a yau Laraba, bayan da ta kare a mataki na uku a gasar kasashe hudu da aka gudanar a China.
‘Yan wasan na Falcons, sun sha kashi a hannun takwarorin wasansu na China da ci 3-0.
Amma daga baya sun doke kasar Romania da ci 4-1 a filin wasa na Huitang da ke Meizhou.
China wacce ita ta karbi bakuncin gasar, ta lashe kofin bayan da ta lallasa Jamhuriyar Korea.
Wannan gasa, na daga cikin shirye-shiryen da ‘yan wasan na Super Falcons ke yi na tunkarar gasar cin kofin duniya ta mata da za a yi a Faransa a wannan shekara.
Facebook Forum