Da babu gara babu dadi kuma ance dan guntun gatarinka yafi sari ka bani sana’ar dogargo da kai abun alfaharin kowane Bil – Adam ne.
Malama Hauwa Dorayi wata mai sana’ar hajja wace kuma takan hadawa mutane kayan lefe dama na asobi na bikin idan bukatar haka ta samu ce ta furtya haka a zantawarsu da wakiliyar Dandalinvoa Baraka Bashir.
Ta ce ta shafe shekaru 7 tana wannan sana’a inda ta ce hakan na kawar mata da kananan bukatu na yau da kullum duk da cewar a yanzu ta fara zuwa wani kamfanin domin koyon aiki saboda abinda ka je ya zo a rayuwa.
Tana mai cewa babban abin da ke ci wa sana’ata tuwo a kwaryar shine yadda wasu masu sayan kayana bashi ke biyan kudaden gutsul gutsul.
Ta kuma kara da cewa ya zama wajibi mata su tashi tsaye domin neman nasu na kansu , duba da irin halin kuncin da matsin rayuwa da ake fama da shi a yanzu.
Facebook Forum