A wannan watan na Agusta ne, tsohon dan wasan hukumar kwallon kwandon Amurka da ake kira NBA a takaice, Luol Deng, ya ziyarci kasarsa ta asali, wato Sudan ta Kudu a yanzu. A filin wasan kwallon Manute Bol wanda gidauniyarsa ta gina, ya karfafawa matasa ‘yan wasan kwallon gwiwa ya kuma tattauna da manema labarai game da wasan.
Deng yace wannan wata hanya ce ta kawar da zaman banza da samar da abin yi ga matasa da kuma koya masu muhimmancin yin aiki tare, don haka abin ya wuce wasanni kawai.
A lokacin da yake matashi, Deng da iyayensa da sauran ‘yan uwansa suka tserewa yakin basasar Sudan suka je kasar Masar. A can ne, Deng ya hadu da wani tsohon dan wasan kwallon Kwandon hukumar NBA, tsohon dan rajin samar da taimakon agaji a Sudan ta Kudu kuma, wato Manute Bol, wanda ya koya masa wasan kwallon kwando.
A shekarar 2015, cibiyar Luol Deng ta bude filin wasan Manute Bol a birnin Juba, don tunawa da Bol, wanda ya rasu a shekarar 2010.
Facebook Forum