Accessibility links

Labari da Dumi-Duminsa

Shin Kamaru Za Ta Fidda Afirka Kunya?


'Yar wasan Kamaru Enganamouit Gaelle

‘Yar wasan Kamaru da za a zuba ido akanta, wacce ita ce tauraruwar tawagar ‘yan wasan ita ce, Gaelle Enganamouit yayin da Canada ke tunkaho da kyaftin dinta Christine Sinclaire.

Yayin da ake ci gaba da karawa a gasar cin kofin duniya ta mata a Faransa, a yau kungiyar kwallon kafar kasar Kamaru za ta fatata da Canada a wasanta na farko.

Hankulan masu bibiyar gasar ta mata a nahiyar Afirka, sun karkata kan kasar Kamaru, wacce za ta buga wasanta na farko a yau.

Kasashen Kamaru, Najeriya da Afirka ta Kudu ne kadai suka samu damar halartar gasar ta cin kofin duniya..

Sai dai Afrika ta kudu ta sha kaye a hannun Spain da ci 3-1 a wasanta na farko yayin da ita ma Najeriya ta kwashi kashinta a hannun Norway inda aka lallasa ta da ci 3-0.

Kamaru, Canada, Netherlands da New Zealand na rukunin E ne a wannan gasa.

‘Yar wasan Kamaru da za a zuba ido akanta, wacce ita ce tauraruwar tawagar ‘yan wasan ita ce, Gaelle Enganamouit yayin da Canada ke tunkaho da kyaftin dinta Christine Sinclaire.

  • 16x9 Image

    Mahmud Lalo

    Dan jarida ne da ke aiki a Sashen Hausa na Muryar Amurka (VOA) a birnin Washington, DC na Amurka. Yana da kwarewa a rassa daban-daban na kafafen yada labarai, kamar wajen hada rahoto a takadar/mujallar jarida, fannin talbijin, rediyo, yanar gizo da kafafen sada zumunta na zamani, inda ya fi mayar da hankali kan batutuwan da suka shafi shugabanci na gari, ayyukan dogaro da kai, kiwon lafiya da kuma muhalli.

Facebook Forum

XS
SM
MD
LG