A jiya Laraba shahararren ‘dan wasan nan Cristiano Ronaldo, ya zura kwallon raga data zama kwallo ta ‘dari uku a kulub ‘din sa na Realmadrid, a fafatawar da sukayi da abokan wasan su Rayo Vallecano.
Ta yin amfani ka ne Ronaldo ya zarga kwallon a ragar abokan karawarsu, kafin a zaunar da James Rodrigues sai da ‘yan Real Madrida suka tabbatar da tazara tsakanin su da Barcelona ta zauna a maki hudu.
Wasan na jiya dai ya kare cikin mahawara kan Ronaldo, domin samun shi da akayi da laifin faduwa batare da an taba shi ba, samun sa da wannan laifin na nunin ‘dan shekaru talatin da haihuwa bazai sami damar yin wasan da zasuyi na ranar asabar da Eibar kulub.
Koch Ancelotti, ya kare kwararren ‘dan wasan sa da tabbatar da cewa kungiyar su zata bi kadun yellow card ‘din da aka bashi, inda yake cewa bayan wasan “na gayawa alkalin wasa kowa ya gani an tabashi,”
Na gaya masa wannan abin mamaki ne da bai bi kadun Ronaldo ba, yakuma ‘daga masa yellow card. Zamu kalubalanci hakan.
Ronaldo na neman kamo Ra’ul ‘dan wasan dayafi kowa zura kwallaye a raga da kwallaye 323 da Alfredo Di Stefano mai kwallaye 308.
