Mata Su Daina Raina Sana'ar Hannu - Fatima Gambo Abubakar

Fatima ta ce kasancewarta marainiya na daya daga cikin dalilan da ya sa ta fara sana’ar hannu na humra da turaren wuta, samfirin Maiduguri wanda ta kan sayar wa masu bukuta a gida.

Ta ce kalubalen da ya sa ta fara sana’ar hannu kasancewar ba ta da mahaifiya, hakan ce ta sa ta rasa madogara babban, akan haka ne ta fara karbar huluna daga wajen ‘yayarta wanda ta ke sayarwa, amma yawan karbar bashi ya karya mata jari.

Fatima ta ce da jarin ya karye sai ta sake samowa inda ta fara turaren wuta shi ma ba ta tsira ba, yawan karbar kaya a bashi na kokarin dakushe mata sana’a, amma a hakan ne ta ke wannan sana’a ta ta.

Ta kara da cewa bayan turaren wuta ta kan sayar da turaren zalla ko kuwa ta sanya a mazubi mai kyau wato cikin kwalba mai kyau ta sayar.

Mata su daina raina sana’ar hannu, domin hanya ce ta rufin asirin diya mace sannan duk wanda yake sana’a ba zai jira wani ya bashi ba sannan a hannu guda ya kauracewa matsalar nan ta bani bani.