Lucas Hernandez Na Iya Shiga Cikin Jerin Zakaru Masu Tsada

Kungiyar kwallon kafa ta Bayern Munich tana shiri domin sayen dan wasan baya na kasar Faransa, mai taka leda a kungiyar Atletico Madrid mai suna Lucas Hernandez, dan shekaru 22 da haihuwa bisa darajar kudin da ya kai fam miliyan £85 kimanin yuro miliyan £77.

Har ila yau kungiyar ta Bayern Munich ta jera sahu daya da Manchester City wajan zawarcin dan wasan tsakiya na Ajax Frenkie de Jong, mai shekaru 21 a duniya wanda darajarsa takai fam miliyan 70.

Inter Milan tace tananan akan ra'ayinta na zawarcin dan wasan tsakiya na Arsenal, mai shekaru 30 a duniya Mesut Ozil.

Barcelona tana shirin dauko dan wasan baya na tsakiya daga kungiyar Juventus Daniele Rugani, dan shekaru 24 da haihuwa, a watan Janairu da zaran an bude saye da sayarwa 'yan wasa.