Kungiyar kwallon kafa ta Barcelona dake kasar Spain ta karbi rancen dan wasan baya, daga kulob din Valencia mai suna Jeison Fabián Murillo zuwa karshen kakar wasan bana 2018/2019.
Valencia ta bai wa Barcelona aron dan wasan bisa yarjejeniyar kungiyar, ta Barcelona za ta saye shi idan ya taka rawar gani, kan kudi Yuro miliyan 25.
Kungiyar ta Valencia ta karbo Murillo, ne daga Inter Milan a matsayin aro, a
shekarar 2017 daga baya ta amince da sayen sa inda ta biya kudin Yuro miliyan £13 a mazaunin dan wasanta na din-din-din.
Sai dai dan wasan ya buga wasanni uku kacal a kungiyar ta Valencia, shine wasan da ta buga da Juventus da Celta da kuma Ebro, daga bisani 'yan wasa irin su Garay da Paulista da kuma Diakhaby suka ajiyeshi a bince, sakamakon sun fishi taka leda.
Dan wasa Fabián Murillo dan kasar Colombia, ya taka leda wa kasarsa cikin gasar Copa America, a shekarar 2015/2016 inda Colombia ta kare a matsayi na uku.
Facebook Forum