An fidda jaddawalin zagaye na hudu a gasar cin kofin kalubale na kasar Ingila wato FA Cup. Arsenal za ta karbi bakuncin babar abokiyar hamayyarta Manchester United.
Manchester City za ta karbi bakuncin Burnley a Ettihad, yayin da Crystal
Palace da Tottenham za su kece raini a Selhust Park. Chelsea wace take rike da kambun gasar na FA Cup, za ta fafata ne a tsakanin wadda ta samu nasara.
Sheffield a ranar Laraba ko kuma Luton Town zasu sake karawa a zagaye na biyu, sakamakon sunyi canjaros a haduwarsu ta farko. Ga yadda sauran jaddawalin ya ke.
Swansea da Gillingham, Wimbledon da WestHam, Wolverhampton tana jiran tsakanin Shrewsbury ko Stoke City, Millwall zasu fafata da Everton sai kuma
Brighton & Hove da West Bromwich, Bristol City da Bolton Wanderers.
Accrington da Derby ko kuma Southampton, Doncaster da Oldham Athletic, Newcastle ko Blackburn daya zata fafata da Watford, Middlesbrough zata kara da Newport County, Barnet da Brentford.
Arsenal ita ta ke kan gaba wajan lashe kofin FA inda ta dauka sau 13, sai kuma Manchester United tana sahu na biyu ta dauka sau 12, za'a buga wasannin ranar 25 Janairu 2019.
Facebook Forum