Accessibility links

Labari da Dumi-Duminsa

Ina Waka Domin Farfado Da Al'adun Da Ke Neman Gushewa Tsakanin Matasa - Jamila


Jamila Ado Mai Wuka

Jamila Ado Mai Wuka ta sake ziyarta DandalinVOA inda a wannan lokaci ta ce ta sauya salon wakarta daga wakar Nanaye zuwa wakokin al’adu irin na da duba da gushewar al’ada tsakanin matasa.

Ta ce ta fara wannan waka ne domin ta nusar da ‘yan uwanta mata alfanun raya al’ada kowacce al'umma, a cewarta al’adar al’umma ita ce al'umma

Jamila ta kara da cewa wakar ta tana maida hankali ne wajen fito da suturar al’ada, abinci da sauransu sannan tana fito da wasu kalmomi da a yanzu mafi yawan matasa basu sansu ba.

Matashiyar ta ce da waka ne take koyar da zanci ko Karin Magana da isar da sako a cikin nishadi baya ga wa’azantarwa da fadakarwa.

Daga karshe ta ce babban burinta ta sami daukaka kowa ya santa inda ta ce tana waka ba don ta samu kudi ba illa tayi suna a santa asssan duniya da dama.

  • 16x9 Image

    Ibrahim Jarmai

    Ibrahim Jarmai, ma’aikacin jarida (International Broadcaster Multi Media) a sashen Hausa na muryar Amurka, mai gabatar da shirye shirye a radio da talabijin, da kuma shafukan yanar gizo, dan asalin jihar Kasina.

Facebook Forum

XS
SM
MD
LG