Dan wasan gaba na kungiyar kafa ta Nasarawa United, Sunusi Ibrahim, na daya daga cikin ‘yan wasa 52 da Golden Eaglets ta gayyata zuwa sansanin atisaye, a wani mataki na shirin tunkarar gasar FIFA ta cin kofin duniya na ‘yan kasa da shekaru 17, wacce za a yi a Brazil.
Za a fara gasar a ranar 26 ga watan Oktoban bana inda Brazil za ta karbi bakuncin gasar.
Jaridar Daily Trust ta ruwaito cewa, Najeriya ta samu gurbin shag gasar ce, baayn da ta kare a cikin kasashen hudu da suka yi zarra a gasar cin kofin zakarun Afirka ta ‘yan kasa da shekaru 17, wacce aka yi a Tanzania a watan Afrilun da ya gabata.
Mai horar da ‘yan wasan kungiyar ta Najeriya, Manu Garba, ya nemi ‘yan wasan da suk hallara a otel din Serob Legacy da ke Abuja.
Najeriya ta lashe kofin gasar a shekarun 1985, 1993, 2007, 2013 da kuma 2015.
Facebook Forum