Yayin da ake gab da fara zabe a Najeriya, mawaka da dama sun mayar da hankali wajen wake gwanayensu da suka fito daga jam’iyyu daban daban, tare da tallata hajarsu domin al’umma su zabe su.
Sai dai yayin da wasu mawakan suka karkata wajen irin wannan salo na wasa ‘yan siyasa, wani mawaki ya ce yana amfani ne da basirarsa wajen fadakar da mutane domin kada su yi zaben tumun dare.
Huzaifa Sani Hassan, ya fadawa wakiliyar DandalinVOA, Baraka Bashir cewa, ya kamata jama’a su bude idanunsu domin zaben cancanta ba son zuciya ba.
Ya kara da cewa, muddin akwai dan takarar da zai kawo ci gaba ko da ba a jami’yyar da mutum yake so ba ne, a zabe shi matukar yana da kyakkyawan kudiri.
Huzaifa wanda ya fi kwarewa a fannin salon wakokin hip-hop, ya ce ya dauki wannan hanyar salon waka ce sakamakon sha’awa kamar yadda mafi yawan mawaka ke yi.
Bayan kowannen su ya sami gurbin karatu sai ya canza sheka, inda tun da farko Huzaifa wakar "Nanaye" (wakokin soyayya) shi ne fannin da ya fi maida hankali a kai.
Huzaifa ya ce wakokinsa sukan tabo batutuwa da suka shafi zamantakewa, musamman abubuwan da suka shafi rayuwar matasa ta ci ma zaune, tare da fahimtar da su muhimmancin dogaro da kai.
Facebook Forum