Accessibility links

Labari da Dumi-Duminsa

Arsenal Ta Raba Gari Da Emery


Unai Emery

Kungiyar Arsenal a gasar Premier League din Ingila, ta kori kocinta Unai Emery, bayan da ta ce ya gaza tabuka wani abin a zo a gani.

Yanzu an nada mataimakinsa Freddie Ljungberg a matsayin sabon kocin kungiyar.

“Mun ce Freddie Ljungberg ya dauki ragamar tafiyar da kungiyar a matsayin kocin wucin gadi.” Inji darektocin Arsenal.

Korar ta Emery wanda ya kwashe kasa da shekara biyu yana jogarantar Arsenal, na zuwa ne, bayan da ya gaza samun kwakkwarar nasara a wasanni bakwai.

Rabon da kungiyar ta Arsenal ta ga irin wannan koma baya, tun a shekarar 1992.

Korar ta Emery ta biyo bayan lallasa kungiyar da abokiyar hamayyarta ta Eintracht Frankfurt ta kasar Jamus ta yi da ci 2-1 a gasar Europa.

A wannan kakar wasannin ta bana, Arsenal ta yi kunnen doki a wasanni biyar ta kuma sha kaye a guda biyu.

  • 16x9 Image

    Mahmud Lalo

    Dan jarida ne da ke aiki a Sashen Hausa na Muryar Amurka (VOA) a birnin Washington, DC na Amurka. Yana da kwarewa a rassa daban-daban na kafafen yada labarai, kamar wajen hada rahoto a takadar/mujallar jarida, fannin talbijin, rediyo, yanar gizo da kafafen sada zumunta na zamani, inda ya fi mayar da hankali kan batutuwan da suka shafi shugabanci na gari, ayyukan dogaro da kai, kiwon lafiya da kuma muhalli.

Facebook Forum

XS
SM
MD
LG