WASHINGTON D.C —
An kori tsohon dan wasan Najeriya Emmanuel Amunike, a matsayin kocin kungiyar Al Khartoum SC ta kasar Sudan sakamakon rashin tabuka wani abin kirki a yayinda yake jagorancin kungiyar.
Amunike, Tsohon manajan tawagar ‘yan wasan Najeriya, ne ‘yan kasa da shekaru ashirin (U20) ya koma Al Khartoum, ta kasar Sudan a matsayin mai horaswa a watan Nuwamba 2017, a kan yarjejeniyar kwantirakin shekara daya.
Ya samu nasarar sakamako masu kyau a wasanni da kungiyar ta yi a karkashin sa kafin kakar wasannin lig din kasar Sudan, amma daga baya, ya fuskanci rashin samun sakamako mai kyau a wasannin lig inda da suka sami maki 11 daga wasanni takwas a gasar Premier ta kasar Sudan.
Facebook Forum