WASHINGTON, DC —
Yayin da zabukan gwamnoni da ‘yan majalisun dokokin jahohi ke kara karatowa, wani matashi mai suna Mohammed Awwal na kungiyar ankarar da matasa a siyasance, ya ce wajibi ne matasa su ribanya irin himmar da su ka bayar a baya, ta tabbatar da zaman lafiya, musamman ma a wasu jahohi masu sarkakkiya.
Awwal ya ce matasa da kungiyoyin sa kai a jahohin Kaduna da Kano da Gombe da sauran jahohi masu sarkakkiya na da aiki matuka na tabbatar da zaman lafiya, ganin yadda ake da wasu batutuwa a kasa.
Ya ce bai kamata matasa su yadda a yi amfani da su wajen tayar da hankali ba. To amma ya yaba da rawar da matasan su ka taka a zaben Shugaban kasa.
