Kocin kungiyar kwallon kafa ta kasar Ingila Gareth Southgate ya ce zai ba dan wasan gabansa Harry Kane hutu a wasan sada zumunta da Ingila zata yi tsakanita da kasar Switzerland, a ranar talata 11/9/2018.
Kane wanda yake taka leda a kungiyar Tottenham mai shekaru 25 da haihuwa, ya samu nasarar zurara kwallaye shida, a gasar cin kofin duniya inda ya lashe lambar zinare na dan wasan da yafi zurara kwallaye a gasar cin kofin duniya 2018 wanda ya gudana a Rasha.
Haka kuma a lokacin rani, ya fafata wasanni 61 a duk wasannin tun farkon kakar wasa ta shekarar data gabata. Sai dai abokin wasan Kane a Tottenham Dele Alli, baya cikin tawagar sakamakon wani rauni a tsokar kafarsa (muscle strain) da yake fama dashi.
Dan wasan baya na Manchester United, Luka Shaw, ya bar sansanin a bayan da ya sha wahala a cikin wata mummunar haduwa da sukayi da Dani Carvajal, a wasan da suka yi da Spain a Wembley a ranar Asabar.
Sakamakon haka Gareth Southgate ya gayyato ‘yan wasa Ben Chilwell da kuma Demarai Gray, daga tawagar ‘yan kasa da shekaru 21 na kasar domin fafatawa a gasar ta ranar talata da Swiztland a Leicester's.
Facebook Forum